നിയന്ത്രണം വിട്ട ബസ് വീടിന്റെ ഭിത്തിയില്‍ കുരുങ്ങി നിന്നു,ദുരന്തം വഴി മാറിയത് തലനാരിഴക്ക്.

പൂന്തലപ്പറമ്പ്: സ്കൂള്‍ വിദ്ദ്യാര്‍ഥികളടക്കം നിറയെ യാത്രക്കാരുമായി പൂന്തലപ്പറമ്പിലെ അപകട വളവില്‍ നിയന്ത്രണം നഷ്ടമായ മിനിബസ് റോഡരികിലെ വീടിന്റെ ഭിത്തിയിലിടിച്ച് കുരുങ്ങി നിന്നതിനാല്‍ വന്‍ ദുരന്തം ഒഴിവയി.നിരവധി യാത്രികര്‍ക്ക് പരുക്കേറ്റെങ്കിലും ആരുടെയും നില ഗുരുതരമല്ല.ആരുടെയും ചങ്കിടിപ്പിക്കുന്ന കാഴ്ചയാണ്‌ ഈ ബസ്സപകടം നാട്ടുകാര്‍ക്ക് നല്‍കിയാത്.

                       പി.ടി.ഹനീഫയുടെ മൊറയൂര്‍ കിഴിശ്ശേരി റൂട്ടിലോടുന്ന പി.ടി.എസ്.ബസ്സാണ്‌ സ്കൂള്‍ വിട്ട സമയത്ത് മൊറയൂരില്‍ നിന്നും കിഴിശ്ശേരിയിലേക്കുള്ള യാത്രക്കിടെ അപകടത്തില്‍ പെട്ടത്.പൂന്തലപ്പറമ്പിലെ ഇറക്കമിറങ്ങി വരുന്ന അപകട വളവില്‍ ബസിന്‌ നിയന്ത്രണം നഷ്ടമാകുകയായിരുന്നു.വന്‍ താഴ്ചയിലേക്ക് മറിയാനാഞ്ഞ ബസ്സ് യാത്രക്കാരുടെ കൂട്ടനിലവിളിക്കിടെ സമീപത്തെ പുളിക്കല്‍ ചെറീദാജിയുടെ മകന്‍ ബാവയുടെ വീടിന്റെ  നേരെ ഇടിച്ച്കയറി ഭിത്തിയില്‍ കുരുങ്ങി നില്‍ക്കുകയായിരുന്നു.അപകടം നടന്നയുടനെ നാട്ടുകാര്‍ ഓടിക്കൂടി സാഹസികമായി യാത്രക്കാരെ പുറത്തിറക്കി.

         മുന്നിലെ രണ്ട് ടയറടക്ക വേര്‍പെട്ട് ബസിന്റെ താഴ്ചയിലേക്ക്  തൂങ്ങി നില്‍ക്കുന്ന കാഴ്ച ആരെയും ഭയപ്പെടുത്തും.പരുക്കേറ്റവരെ മഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.

Posted in: നാട്ടു വാര്‍ത്ത