എടപ്പറമ്പ് ചോലയില്‍ കോളനിക്ക് ഒരു കോടിയുടെ പദ്ധതി.

എടപ്പറമ്പ്:മൊറയൂര്‍ പഞ്ചായത്തിലെ പതിനാറാം വാര്‍ഡിലുള്ള എടപ്പറമ്പ് ചോലയില്‍ കോളനിയെ മലപ്പുറം മണ്ഡലത്തിലെ ആദ്യത്തെ "മാത്ര് കാ പട്ടികജാതി കോളനി'യാക്കുന്നു.റോഡ് വികസനം,തെരുവു വിളക്ക്,ശുദ്ധജല പദ്ധതി,വീട് പുനരുദ്ധാരണം,കക്കൂസ്,കമ്മ്യൂണിറ്റി ഹാള്‍,സ്മശാന നവീകരണം,സംരക്ഷണ ഭിത്തി നിര്‍മാണം,കയ്യാല നിര്‍മാണം തുടങ്ങി ഒരു കോളനിക്ക് വേണ്ട അടിസ്ഥാന സൗകര്യങ്ങള്‍ ഒരുക്കുക എന്നതാണ്‌ മാത്ര് കാ കോളനി പദ്ധതി കൊണ്ടുദ്ദേശിക്കുന്നത്.
                       കോളനിനിവസികളുടെയും ഗ്രാമ പഞ്ചായത്തിന്റെയും  നിര്‍ദേശങ്ങള്‍ കൂടി പരിഗണിച്ച് പട്ടികജതി വികസന ഉദ്ദ്യോഗസ്ഥരാണ്‌ പദ്ധതിക്ക് മേല്‍നോട്ടം വഹിക്കുന്നത്.പരാതികളൊഴിവാക്കാനും അഴിമതി മുക്തമാക്കാനും പൂര്‍ണമായും സര്‍ക്കാര്‍ ഏജന്‍സികള്‍ മുഖേനായാണ്‌ പദ്ധതി നിര്‍വ്വഹണം നടത്തുക.

                                         മണ്ഡലം എം.എല്‍.എ പി.ഉബൈദുള്ള പദ്ധതിയെകുറിച്ച് സൂചിപ്പിച്ചപ്പോള്‍ തന്നെ പഞ്ചായത്ത് മുസ്ലിം ലീഗ് കമ്മിറ്റി ഉണര്‍ന്ന് പ്രവര്‍ത്തിച് ചോലയില്‍ കോളനിക്ക്പദ്ധതി നേടിയെടുക്കുകയായിരുന്നു.        

                     പദ്ധതിയെകുറിച്ചുള്ള പ്രാഥമിക അവലോകന യോഗം ഇന്ന് വൈകുന്നേരം കോളനിയില്‍ വച്ച് ചേര്‍ന്നു.യോഗം പി ഉബൈദുള്ള എം.എല്‍.എ.ഉത്ഘാടനം ചെയ്തു.പഞ്ചായത്ത് പ്രസിഡന്റ് ബി.സകീന ആധ്യക്ഷം വഹിച്ചു.മണ്ഡല ലീഗ് പ്രസിഡന്റ് പി.വീരാങ്കുട്ടി ഹാജി,പിസുലൈമാന്‍,പരമേശ്വരന്‍,വി.പി അബൂബക്കര്‍ടൗണ്‍ ലീഗ്പ്രസിഡന്റ് സൈകോ മൂസ്സ,സെക്രട്ടറി സി.മുഹമ്മദ് മാസ്റ്റര്‍,മെമ്പര്‍മാരായ സൈനബ ടീച്ചര്‍,കലന്തന്‍ ബാപുട്ടി,വാര്‍ഡ് ലീഗ് സെക്രട്ടരിമാരായ പൂന്തല സാജിബ്,അന്‍വര്‍ മറ്റു പൊതു പ്രവര്‍ത്തകര്‍ തുടങ്ങിയവരും കോളനി നിവാസികളും പദ്ധതി നിര്‍ വ്വഹണ ഉദ്യോഗസ്ഥരും പങ്കെടുത്തു.

Posted in: നാട്ടു വാര്‍ത്ത,പൊതു താല്പര്യ വാര്‍ത്തകള്‍,പ്രോഗ്രാമുകള്‍